Lívið er eitt baks, men um tú dugir eisini at flenna at tí, so eigur tú gávuna at njóta tað
- Selma Hayek
local.fo

News in English

Vinna

Ein spennandi tíð er fyri framman hjá elinnleggjarafyritøkuni Sp/f El-Teknik í Leirvík. Komandi fríggjadag, 24. novembur, flytur fyritøkan nevniliga í nýggj hølir. El-Teknik varð stovnað í 1991 og hevur síðani tá húsast í sethúsakjallarum.

Tað var við ársbyrjan í ár at spakin bleiv settur í, og nú stendur bygningurin, ið er 280 fermetrar til víddar, klárur at taka í nýtslu. Nýggi bygningurin, sum stendur á Sjóvartúni í Leirvík, tað er gamla ferjulegan, gevur starvsfólkunum nógv betri arbeiðsumstøður enn áður. Í bygninginum er verkstaður, goymsla, skrivstovur og so framvegis.

Í løtuni eru 12 fólk í starvi hjá El-Teknik, harav eru tríggir lærlingar.

Í sambandi við at bygningurin verður tikin í nýtslu, verður almenn móttøka 24. novembur frá kl. 15:00 til kl. 18:00.

Um tú veitst okkurt, sum VP ikki veit - skriva so til vp@vp.fo