Borgarlig og sosialistar eru sum kona og maður. Skilja ikki altíð hvønn annan, men fáa allíkavæl húsarhaldið at hanga saman
- Ókendur
Tiltøk

Nú Bústaðir og Tórshavnar kommuna gera lestraríbúðir í fyrrverandi kommunuskúlanum í Tróndargøtu/Tórsgøtu, er ætlanin, at aulan (skálin) og lutvíst fyrrverandi sangstovan í bygninginum skal nýtast til mentanarlig endamál.

Hølini verða eftir ætlan tikin í nýtslu á sumri 2017.

Tórshavnar kommuna bjóðar í hesum sambandi áhugaðum borgarum og felagsskapum til almennan fund um ætlanina. Hvussu kunnu vit í felag menna verkætlanina og innihaldið? Og hvussu skipa vit virksemið til mentanarlig endamál.

Øll eru vælkomin við hugskotum og sínum íkasti til at menna hesa spennandi verkætlan.

Tiltakið verður týsdagin 25. oktober 2016 kl. 19.00 til 20.30 í Perluni í Tórsgøtu 3. Tiltakið er alment, og neyðugt er ikki at melda til.

Te og kaffi verður at fáa.

Skrá:
 1. Vælkomin
 2. Stutt um verkætlanina at gera lestraríbúðir og frágreiðing um karmarnar í hølunum
 3. Stutt um tankarnar higartil um hølini
 4. Viðmerkingar, orðaskifti og hugskot úr salinum

Um tú veitst okkurt, sum VP ikki veit - skriva so til vp@vp.fo