Eitt barn, ein lærari, ein bók, ein blýantur kunnu broyta allan heimin
- Malala Yousafzai
local.fo

News in English

Onnur tíðindi

Tríggir menn, sum vóru farnir út í kajakkum fyrrapartin í dag í Vágum, komu illa fyri í tí harða streyminum við Drangarnar.

Streymurin kom óvart á teir, og vórðu teir tiknir av streyminum. Kajakkin hjá einum av monnum holvdist, og endaði hesin maðurin á sjónum.

Hinir báðir ringdu síðan til løgregluna eftir hjálp. Løgreglan sendi hareftir boð eftir bjargingartyrluni, sum var á staðnum 7-8 minuttir seinni fyri at heinta neyðstadda mannin upp.

Løgreglan fekk neyðsynjarboðini kl. 10.55 í morgun.

MRCC sigur við VP, at tyrlan hevði eina venjing í Miðvági, og at hetta var orsøkin til, at hon kundi koma á staðið við fullari manning so skjótt

Hinir báðir menninir fingu bjargað sær upp á land á Tindhólmi, og kom Sverri á staðið eftir teimum. Eisini vendi Jósup, sum var á veg út í Mykines, við og lá uttanfyri Tindhólm og bíðaði, meðan Sverri avheintaði menninar.

Í øllum førum tveir av monnunum eru norðmenn, sigur løgreglan við VP.

Allir tríggir menninir sluppu frá hendingini í øllum góðum og eru væl fyri eftir umstøðunum.

Um tú veitst okkurt, sum VP ikki veit - skriva so til vp@vp.fo