Skalt tú fáa nakað stórt av skafti mást tú meira enn bara dáma títt arbeiði
- Steve Jobs
Innlendis ítróttur

Ríðingarfelagið: Føroysk aling fyri íslandsross hevur í vikuskiftinum fingið eina risa viðurkenning.

Tað var mett sum bragd tá føroyskt alda Salka frá Tindsgarði, í fjør fekk hægsta kynbótadóm fyri fýra ára gamlar íslenskar ryssur í Danmark.

Men at tað ikki var av tilvild var prógva nú DI AVL deildi út prísir fyri 2016. Aftur í ár fekk Salka hægsta dóm í sínum flokki, hesaferð í flokkinum, 5 ára gamlar ryssur. Dómurin hækkaði eisini frá 8,07 til 8,27.

Tað er Knút Lútzen ið eigur Salku. Jóanis í Hoygarðinum hevur tamt og vant ryssuna, ið er undan Glotta frá Sveinatungu og Drotning frá Leirubakka.

At ein føroyskt ald ryssa, kann klára seg so væl í altjóða høpi, vísir at tað kann loysa seg at hugsa stórt.

Um tú veitst okkurt, sum VP ikki veit - skriva so til vp@vp.fo