Lítið nyttar at leiða mann, ið ikki vil seta føturnar undir seg sjálvan
- føroyskt orðatak
local.fo

News in English

Innlendis ítróttur

Í døgunum 21.-27. juli verður europeiska OL fyri ung í Baku, Aserbadjan. Á fyrsta sinni luttaka íðkarar úr Føroyum. Føroysku íðkararnir luttaka í tveimum ítróttagreinum – svimjing og judo.

Talan er um stórt frambrot fyri føroyskan ítrótt, og gevur luttøkan føroyskum íðkarum enn ein møguleika, at kappast á altjóða leikvøllum.

Íðkararnir eru teir fyrstu føroysku íðkararnir, sum luttaka til eina kapping í OL høpi undir føroyskum flaggi. Sostatt eru luttakandi íðkararnir við til, at skriva ein tíðandi part í føroyskari ítróttasøgu.

”Føroyska luttøkan í europiska OL fyri ung er eitt av úrslitinum í strembanini hjá ÍSF, at at fáa limaskap í altjóða olympisku nevndini – IOC”, sigur varaforsetin í ÍSF, Jon Hestoy.

Føroysku luttakararnir:

Judo:
Bjarni Kyrri Ólavson, Havnar Judofelag

Svimjing:
Elisabeth Erlendsdóttir, Havnar Svimjifelag
Kristina í Skála, Havnar Svimjifelag
Rebekka Trygvadóttir, Ægir
Ronja Ró í Dímun, Havnar Svimjifelag
Bartal Erlingsson Eidesgaard, Havnar Svimjifelag

Ferðleiðari á túrinum verður Finnbjørg Nattestad. Venjarar eru Petur Sigurð Johannesen, Judo og Panagiotis Christou, Svimjing,

Fakta um OL fyri ung í Baku

European Youth Olympic Festival, sum europeiska OL fyri ung verður kallað, verður í Baku, Aserbadjan frá 21. til 27. juli. Í alt kappast 3.600 ungdómar úr 50 londum, í aldrinum 14-18 ár.

Møguligt er at fáa meiri kunning um leikirnar her

Um tú veitst okkurt, sum VP ikki veit - skriva so til vp@vp.fo