Borgarlig og sosialistar eru sum kona og maður. Skilja ikki altíð hvønn annan, men fáa allíkavæl húsarhaldið at hanga saman
- Ókendur
Vinna

Suðuroyar Sparikassi tillagar í næstum renturnar á privatum og vinnuligum innlánum. Broytingin er ein avleiðing av gongdini á alheims marknaðunum, og framhaldandi negativu rentuni hjá meginbankunum.

Gongdin á marknaðinum hevur við sær, at Suðuroyar Sparikassi í longri tíð hevur havt beinleiðis undirskot av innlánum, sum kundar hava standandi í bankanum. Av tí at útlitini ikki eru fyri hækkandi rentum, og fyri at leggja uppfyri lága rentustøðinum, tillagar Suðuroyar Sparikassi renturnar á innlánum við støði í gongdini á alheims marknaðunum.

Renturnar á vinnuligum innlánum lækka niður til -0,50% p.a. fyri innlán yvir 100.000 kr, og -0,75% p.a. fyri innlán yvir 750.000 kr. Rentan á privatum innlánskontum lækkar niður í 0,00% p.a. Tó verða renturnar á 12 mðr. uppsøgn óbroyttar.

Rentan barna- og ungdómsuppsparing verður 0,20% og rentan á eftirløn verður óbroytt. Privatkundar fáa ikki negativa rentu.

Suðuroyar Sparikassi kemur nú á marknaðin við einum nýggjum innlánsprodukti við 18 mðr uppsøgn, sum hevur eina rentu upp til 0,20% p.a.

- Tað lága rentustøðið er ein fyrimunur fyri tey sum taka lán til sethús, men er harafturímóti minni gott fyri tey, sum spara saman. Fyri heilt stuttari tíð síðani væntaði marknaðurin, at renturnar fóru at hækka í næstum. Men nú eru útlitini, at lága rentustøðið heldur fram í langa tíð framyvir. Hetta er orsøkin til, at vit tillaga okkara rentur, sigur Søren L. Bruhn, forstjóri í Suðuroyar Sparikassa.

Tað ber til at økja møguleikan fyri størri avkasti á eitt nú Flex Funding, sum Suðuroyar Sparikassi samstarvar við, har lægstu renturnar í løtuni liggja á 0,45%, men hetta hevur samstundis ein ávísan váða við sær. Tað ber til at gera íløgur gjøgnum flexfunding.fo.

Privat innlán

Nýggj renta

Rentubroytingin fær virknað

Allar innlánsrentur


0,00% p.a

21. oktober 2019

Tó eru hesar innlánsrentur undantiknar:

Barna- og ungdómsuppsparingar


0,20% p.a

21. oktober 2019

Eftirlønarkonti

0 – 250.000 kr.

Omanfyri 250.000 kr.

0,10% p.a.

0,20% p.a.

21. oktober 2109

12 mðr. uppsøgn

Óbroytt


18 mðr. uppsøgn

0 – 750.000 kr.

750.000 – 2.500.000 kr.

Omanfyri 2.500.000 kr.


0,20% p.a.

0,10% p.a.

0,00% p.a.





Vinnulig innlán*
0 – 100.000 kr.
100.000 kr. – 750.000 kr.
Omanfyri 750.000 kr.


0,00% p.a
-0,50% p.a
-0,75% p.a

7. oktober 2019

*Galdandi fyri samanløgdu innlán kundans

Broytingarnar verða at síggja á ss.fo, tá ið tær fáa gildi.

Um tú veitst okkurt, sum VP ikki veit - skriva so til vp@vp.fo