Lívið er eitt baks, men um tú dugir eisini at flenna at tí, so eigur tú gávuna at njóta tað
- Selma Hayek
local.fo

News in English

Innlendis ítróttur

Føroyska U17 landsliðið: Bjarni Joensen, Julian Vest Niclasen, Jógvan Kári Birgirsson, Hjørtur Joensen, Jógvan Gøthe Magnusson, Niklas Hallgren Niclassen, Silas Poulsen, Elias Ellingsgaard Petersen, Ari í Haraldsstovu Petersen, Mattias Nolsøe Isaksen, Hørður Joensen

Flogbóltssambandið: U17 Nevza-kappingin, dreingir: Føroyar – Svøríki 1-3 (25-23, 23-25, 19-25, 17-25)

Eftir ósigurin í morgun skuldu føroysku dreingirnir royna at reisa seg. Mótstøðuliðið var Svøríki.

Fyrstu bæði settini vóru sera jøvn og spennandi. Føroysku dreingirnir høvdu funnið stevið eftir nakað av einum vónbroti í fyrsta dystinum. Og hóast nógv stóð á, eydnaðist tað okkara dreingjum at vinna fyrsta settið við minst møguligum muni.

Gongdin var tann sama í 2. setti, men tað sást, at svenska liðið var gott. Serliga vóru servurnar skarpari, og okkara dreingir høvdu trupult við at koma upp á javnt. Settið koppaði til sviar við minst møguligum muni, og so vóru liðini komin líka langt. Eftir hetta mugu vit bara siga, at sviar høvdu eitt hægri gear enn vit, í servu, álopi og kanska ikki minst blokki.

Hóast framgongd, standa dreingirnir við ongum stigi, nú fyrsti dagurin er leiktur. Næsti dystur á skránni hjá okkara dreingjum er ímóti Danmark í morgin kl. 9.00, og hann sæst her: trýst her

Besti leikari hjá Føroyum: Hjørtur Joensen

Um tú veitst okkurt, sum VP ikki veit - skriva so til vp@vp.fo