Tað gagnar lítið at kenna prísin á øllum, um ein ikki kennir virðið á nøkrum
- Albert Einstein
Tónleikur

Mynd: Tróndur Dalsgarð (tilvildarlig)

G! Festivalurin: Vit hava hitt Heina Ronnason á Heygum og Svein Kass Joensen, ið hava tjaldað allar dagarnar á G!

Hóast mann ongantíð veit hvussu veðrið man fara at vera, eru teir hvørt ár afturvendandi gestir á tjaldingarøkinum.

Hvat er tað góða við at tjalda?
Heini: "Telt er tað sjúka, tað gevur tær veruligu kensluna av festivali. Tað er á tjaldingarøkinum har bestu ballini eru, og tú sleppur frá at ganga aftur og fram eftir alkoholi og øðrum."

Hvussu er at tjalda?
Sveinur: "At tjalda eru feitar greyðir. Vit vita væl at veðrið kann blíva ringt, og tí er týdningarmikið at pakka klæðir til alt slag av veðri, so er eingin trupulleiki at sova. Tá mann vaknar, vaknar mann upp til eitt ball - einki er sum at vakna av 40 mans, ið spæla pløkk, har mann nærum spýr um kapp."

Sambært teimum báðum, Sveini og Heina, skal allur festivalurin upplivast, og tí hava teir báðir verið her síðan mikudagin.

Um tú veitst okkurt, sum VP ikki veit - skriva so til vp@vp.fo