Lítið nyttar at leiða mann, ið ikki vil seta føturnar undir seg sjálvan
- føroyskt orðatak
local.fo

News in English

Mítt tastatur

Í mong ár hava fólk í Havnini funnist at tí lokalpolitikki, sum altíð setur dagsskránna á løgtingi.

Rakstrarrópið úr høvuðsstaðnum hevur verið ”vit mugu fáa landspolitikarar”, sum taka atlit til alt samfelagið.

Mong vóru tí fegin, tá Føroyar vórðu gjørdar til eitt valdømi.

Nú kom landspolitikkur á dagsskrá.

Men tað hevur ongantíð verið verri enn í dag, og HAVNIN gongur á odda.

Býráðið hevur leitað heilt av Glyvursnesi og norð til Kollafjørð eftir lendi til nýggja góðshavn.

Samstundis er ein tunnil farin í gerð, sum flytir Skálafjørðin 9 km frá Havnini.

Føroya besti fjørður kemur sostatt at liggja nærri høvuðsstaðnum enn Kollafjørður.

Landspolitiskt er eingin ivi um, hvar ein góðshavn eigur at liggja.

Men av tí at ein havn á føroya besta firði kemur at liggja ”uttanfyri kommunumark”, hevur tað als ongan áhuga hjá ”solidarisku javnaðarhugsjónini” í høvuðsstaðnum.

Kongaríkið á Vaglinum sær ikki útum sín egna nalva.

Javnaðurin í høvuðsstaðnum hevur annars gingið inn fyri flogvølli á Glyvursnesi og harvið himprast ”solidariska” javnaðarhugsjónin ikki við at niðurleggja 200 arbeiðspláss í Vágum.

Nú fáa vit sostatt tvær góðshavnir – eina við hvønn tunnilsmunnan.

Sæð við landspolitiskum eygum er hetta reinur ørskapur, men hetta er havnapolitikkur og lokalpolitikkur tá hann er uppá tað besta.

Ad-hoc toymið

Um tú veitst okkurt, sum VP ikki veit - skriva so til vp@vp.fo