Onnur tíðindi
Minst sjey fólk doyðu í gjár og 67 onnur særd, tá tvey russisk missil - 40 minuttir ímillum tey - raktu ein íbúðablokk í býnum Pokrovsk har eysturi í Ukraina.
Tað skrivar Kyiv Post.
Fleiri av teimum dripnu og særdu eru løgreglufólk og bjargingarfólk, sum arbeiddu á staðnum eftir fyrsta missilálopið.
Sambært Kyiv Post hava russar fleiri ferðir brúkt álopsháttin double-tap, har fyrst eitt missil verður skotið – móti sivilum máli sum íbúðablokki.
Tá so løgregla og bjargingarfólk eru komin á staðið og eru farin undir sítt arbeiði, skjóta russar eitt missil afturat móti sama máli, skrivar TV 2.
Um tú veitst okkurt, sum VP ikki veit - skriva so til vp@vp.fo
